Heb 9 | KhmKCB | STEP | នៅក្នុងកិច្ចព្រមព្រៀង មុន មាន ក្បួន តម្រា សម្រាប់ការ បម្រើ ហើយ ក៏មាន ទីបរិសុទ្ធ នៅ លោកិយ៍ នេះ ដែរ ។

Hebrews 9

1 នៅក្នុងកិច្ចព្រមព្រៀងមុនមានក្បួនតម្រាសម្រាប់ការបម្រើហើយក៏មានទីបរិសុទ្ធនៅលោកិយ៍នេះដែរ។ 2 ដ្បិតពួកគេសង់រោងហើយនៅផ្នែកខាងមុខដែលគេហៅថាទីបរិសុទ្ធនោះមានជើងចង្កៀងតុនិងនំប៉័ងតាំងថ្វាយ។ 3 រីឯនៅខាងក្រោយវាំងននទីពីរមានផ្នែកមួយទៀតដែលហៅថាទីបរិសុទ្ធបំផុត 4 នៅទីនោះមានឧបករណ៍សម្រាប់ដុតគ្រឿងក្រអូបធ្វើអំពីមាសនិងហិបនៃកិច្ចព្រមព្រៀងដែលស្រោបមាសជុំវិញទាំងអស់ហើយនៅក្នុងហិបនោះមានពានមាសមួយដាក់នំម៉ាណាព្រមទាំងដំបងរបស់លោកអើរ៉ុនដែលមានស្លឹកដុះចេញមកនិងបន្ទះថ្មនៃកិច្ចព្រមព្រៀង 5 ហើយពីលើហិបនោះមានរូបចេរ៉ូប៊ីនដ៏មានសិរីរុងរឿងបាំងពីលើទីសណ្ដោសប្រោសប៉ុន្ដែនៅពេលនេះយើងមិនអាចនិយាយអំពីរឿងទាំងនេះឲ្យបានល្អិតល្អន់ទេ។ 6 ពេលរបស់ទាំងនេះបានរៀបចំរួចរាល់ហើយពួកសង្ឃក៏ចូលទៅក្នុងរោងផ្នែកខាងមុខដើម្បីធ្វើការបម្រើ 7 ប៉ុន្ដែនៅផ្នែកទីពីរមានតែសម្ដេចសង្ឃប៉ុណ្ណោះដែលអាចចូលបានក្នុងមួយឆ្នាំម្ដងដោយមានឈាមដែលគាត់ត្រូវថ្វាយសម្រាប់ខ្លួនឯងនិងសម្រាប់បាបរបស់ប្រជាជន។ 8 ព្រះវិញ្ញាណបរិសុទ្ធបានបង្ហាញឲ្យឃើញអំពីការនេះថាដរាបណាផ្នែកខាងមុខនៃរោងនៅមាននៅឡើយនោះផ្លូវចូលទៅក្នុងទីបរិសុទ្ធបំផុតក៏ពុំទាន់បើកចំហដែរ។ 9 នេះគឺជាការប្រៀបប្រដូចអំពីបច្ចុប្បន្នកាលដែលការថ្វាយតង្វាយនិងយញ្ញបូជាពុំអាចធ្វើឲ្យមនសិការរបស់អ្នកបម្រើគ្រប់លក្ខណ៍បានឡើយ។ 10 ទាំងនោះគ្រាន់តែជាក្បួនតម្រាខាងសាច់ឈាមអំពីម្ហូបអាហារភេសជ្ជះនិងការលាងសំអាតផ្សេងៗប៉ុណ្ណោះដែលបានប្រើរហូតដល់ពេលដែលមានការកែប្រែឡើងវិញ។ 11 កាលព្រះគ្រិស្ដបានយាងមកធ្វើជាសម្ដេចសង្ឃខាងឯសេចក្ដីល្អដែលត្រូវមកព្រះអង្គបានយាងកាត់រោងដ៏វិសេសជាងហើយគ្រប់លក្ខណ៍ជាងដែលមិនមែនធ្វើឡើងដោយដៃមនុស្សទេហើយក៏មិនមែនជារបស់ពិភពលោកនេះដែរ។ 12 ព្រះអង្គមិនបានយកឈាមពពែឈ្មោលឬឈាមកូនគោទេតែបានយកឈាមរបស់ព្រះអង្គផ្ទាល់ចូលក្នុងទីបរិសុទ្ធបំផុតតែម្ដងជាការស្រេចទាំងទទួលបានសេចក្ដីប្រោសលោះដ៏អស់កល្បជានិច្ច។ 13 ដ្បិតបើឈាមគោឈ្មោលឈាមពពែឈ្មោលនិងផេះគោក្រមុំដែលគេប្រោះលើពួកអ្នកស្មោគគ្រោកធ្វើឲ្យអ្នកទាំងនោះបរិសុទ្ធហើយធ្វើឲ្យសាច់ឈាមជ្រះស្អាតទៅហើយ 14 នោះឈាមរបស់ព្រះគ្រិស្ដដែលបានថ្វាយអង្គទ្រង់ទុកជាតង្វាយដ៏ឥតសៅហ្មងដល់ព្រះជាម្ចាស់តាមរយៈព្រះវិញ្ញាណដ៏អស់កល្បជានិច្ចវិញកាន់តែធ្វើឲ្យមនសិការរបស់យើងស្អាតពីកិច្ចការខាងឯសេចក្ដីស្លាប់ទៅទៀតដើម្បីឲ្យបម្រើព្រះជាម្ចាស់ដ៏មានព្រះជន្មរស់ 15 ហេតុនេះហើយបានជាព្រះអង្គជាអ្នកសម្រុះសម្រួលកិច្ចព្រមព្រៀងថ្មីដើម្បីឲ្យអស់អ្នកដែលព្រះជាម្ចាស់ត្រាស់ហៅទទួលបានមរតកដ៏អស់កល្បជានិច្ចដែលបានសន្យាដោយព្រះអង្គសោយទិវង្គតដើម្បីលោះគេឲ្យរួចពីការល្មើសទាំងឡាយដែលបានប្រព្រឹត្តកាលនៅក្រោមកិច្ចព្រមព្រៀងមុន។ 16 ដ្បិតទីណាមានបណ្ដាំមរតកទីនោះត្រូវតែមានសេចក្ដីបញ្ជាក់ថាអ្នកដែលសរសេរបណ្ដាំបានស្លាប់ហើយ 17 ដ្បិតបណ្ដាំមរតកអាចយកជាការបានលុះត្រាតែអ្នកសរសេរបានស្លាប់ហើយប៉ុន្ដែពេលអ្នកសរសេរនៅរស់នៅឡើយបណ្ដាំនោះមិនអាចយកជាការបានទេ 18 ដូច្នេះហើយកិច្ចព្រមព្រៀងមុនក៏មិនអាចយកជាការបានដែរបើគ្មានឈាម។ 19 ដ្បិតពេលលោកម៉ូសេបានប្រកាសប្រាប់ប្រជាជនទាំងអស់អំពីបញ្ញត្ដិទាំងឡាយស្របតាមគម្ពីរវិន័យរួចហើយគាត់ក៏យករោមចៀមពណ៌ក្រហមទុំនិងស្លឹកហ៊ីសុបមកជ្រលក់នៅក្នុងឈាមកូនគោឈាមពពែនិងទឹកហើយប្រោះលើគម្ពីរនិងប្រជាជនទាំងអស់ 20 ទាំងនិយាយថានេះជាឈាមនៃកិច្ចព្រមព្រៀងដែលព្រះជាម្ចាស់បានបង្គាប់មកអ្នករាល់គ្នា។ 21 បន្ទាប់មកគាត់ក៏ប្រោះឈាមបែបដូច្នោះដែរទៅលើរោងនិងទៅលើឧបករណ៍ទាំងអស់សម្រាប់ការបម្រើ។ 22 ស្របតាមគម្ពីរវិន័យអ្វីៗស្ទើរតែទាំងអស់បានស្អាតដោយសារឈាមហើយបើគ្មានការបង្ហូរឈាមទេនោះក៏គ្មានការលើកលែងទោសដែរ។ 23 ដូច្នេះចាំបាច់ត្រូវឲ្យគំរូនៃអ្វីៗដែលនៅស្ថានសួគ៌មានការសំអាតដោយពិធីទាំងនេះប៉ុន្ដែអ្វីៗដែលនៅស្ថានសួគ៌នោះត្រូវសំអាតដោយយញ្ញបូជាដ៏ប្រសើរជាងនេះ 24 ដ្បិតព្រះគ្រិស្ដមិនបានយាងចូលក្នុងទីបរិសុទ្ធដែលធ្វើឡើងដោយដៃមនុស្សដែលគ្រាន់តែជារូបតំណាងនៃរបស់ពិតប៉ុណ្ណោះទេគឺព្រះអង្គបានយាងចូលក្នុងស្ថានសួគ៌តែម្ដងដើម្បីនឹងបង្ហាញអង្គទ្រង់ជំនួសយើងនៅចំពោះព្រះភក្ដ្ររបស់ព្រះជាម្ចាស់នៅពេលឥឡូវនេះ។ 25 ព្រះអង្គមិនបានថ្វាយអង្គទ្រង់ជាច្រើនលើកដូចជាសម្ដេចសង្ឃដែលចូលក្នុងទីបរិសុទ្ធបំផុតជារៀងរាល់ឆ្នាំដោយយកឈាមដែលមិនមែនជារបស់ខ្លួនឯងនោះឡើយ 26 ដ្បិតបើដូច្នេះមែននោះព្រះអង្គមុខជាត្រូវរងទុក្ខជាច្រើនលើកតាំងពីកំណើតពិភពលោកមកម៉្លេះប៉ុន្ដែនៅគ្រាចុងក្រោយនេះព្រះអង្គបានបង្ហាញខ្លួនតែមួយដងគត់ដើម្បីលុបបំបាត់បាបដោយថ្វាយអង្គទ្រង់ទុកជាយញ្ញបូជា។ 27 មនុស្សត្រូវកំណត់ឲ្យស្លាប់មួយដងហើយបន្ទាប់មកត្រូវជាប់ជំនុំជម្រះជាយ៉ាងណា 28 ព្រះគ្រិស្ដក៏ថ្វាយអង្គទ្រង់តែមួយដងដើម្បីដកយកបាបចេញពីមនុស្សជាច្រើនជាយ៉ាងនោះដែរព្រះអង្គនឹងបង្ហាញខ្លួនជាលើកទីពីរប៉ុន្ដែគ្មានការដកយកបាបទៀតទេគឺសង្គ្រោះអស់អ្នកដែលទន្ទឹងរង់ចាំព្រះអង្គវិញ។